Գավառում կինոծրագրի անհրաժեշտության հարցում

Հարգելի երտասարդներ,

«Դոկտոր սինեման» նախատեսում է վավերագրական ֆիլմի կարահանման դասընթաց անցկացնել Գավառ քաղաքի երիտասարդների համար՝ որպես ինքնարտահայտման նոր հնարավորություն տեղացի երիտասարդների համար: Տեղի երիտասարդության հնարավոր հետաքրքրությունը պարզելու համար Գավառի և հարակից համայնքների երիտասարդներին խնդրում ենք լրացնել կից հարցաշարը: Համագործակից կազմակերպությունն է «Բլեջան» բնապահպանական, սոցիալական, բիզնեսի աջակցության ՀԿ-ն: Հարցերի և առաջարկների համար կարող եք գրել doctorcinemango@gmail.com հասցեով:

«Youthification» ուսուցողական ծրագիրը Շվեյցարիայում (2016)

Ամսաթիվը: Սեպտեմբերի 9 – 17, 2016

Վայրը՝ Լեզան, Շվեյցարիա

Դոկտոր Սինեմայի ներգրավվածությունը՝ համագործակից կազմակերպություն

15 երկրից ժամանած 30 մասնակից մասնակցեցին YOUTHIFCIATION (երիտասարդացում) վերապատրաստման դասընթացին, որը կազմակերպել էր SUBKULT ասոցիացիան: Նախագծի հիմնական նպատակն էր երիտասարդներին խրախուսել երիտասարդներին՝ հասարակական ոլորտում ակտիվ մասնակցություն ունենալու համար և առավել խորը գիտելիքներ տրամադրել ոչ-ֆորմալ կրթության մասին: 7 աշխատանքային օրերի ընթացքում մասնակիցները հնարավորություն ունեցան հստակեցնելու իրենց տեսակետները երիտասարդական աշխատանքի (սահմանումը, նպատակը, հիմնական արժեքները, ոլորտները, արդյունավետ մոդելները) և տարբեր գործընթացներում երիտասարդական աշխատողի դերի մասին, ծանոթացան ուսումնական պլան մշակելու մոդելին, «Կոլբ» կրթական շրջանին, նաև ստացան երիտասարդական աշխատողների համար նախատեսված գրականության էրեկտրոնային օրինակներ: Մասնակիցները նաև փորձարկեցին տարբեր վարժություններ, որոնք կարող են հետագայում օգտագործել տեղական ու միջազգային նոր ծրագրեր իրականացնելիս:

«Ուսումնասիրությունը հաստատել է այն, ինչ ես հաճախ լսում եմ՝ շատ պարզ,

շատ մարդիկ ներգրավվում են, որովհետև նրանց խնդրում են դա անել»:

Կիրբի Սվեյլս, «Renaisi» սոցիալական ձեռնարկության տնօրեն

Ծրագրի օրակարգով նախատեսված միջոցառումների մանրամասն նկարագրությունը կարող եք գտնել YOUTHIFCIATION ծրագրի պաշտոնական կայքում:

Հավելյալ տեղեկությունների համար այցելեք նաև Մեդիա սենյակ և Ուսումնական մեթոդների անկյուն

«Էկոզբոսաշրջությունը Հայաստանում» ճանաչողական ծրագրի առաջին դասերը

Մեկնարկեց «Էկոզբոսաշրջությունը Հայաստանում» ճանաչողական ծրագիրը, որը իրականացնում է «Դոկտոր սինեմա» երիտասրադական ՀԿ-ն` «Երիտասարդ կենսաբանների ասոցիացիա» և «Համաշխարհային անկախ երիտասարդական միավորում» ՀԿ-ների հետ համագործակցությամբ: Նախընտրական փուլի արդյունքում ընտրված 36 մասնակիցները 2015թ օգոստոսի 15-ը հնարավորություն ստացան ներկա գտնվելու էկոզբոսաշրջության և ֆիլմ նկարահանելու հմտություների վերաբերյալ դասերին: Դասերի ընթացքում «Երիտասարդ կենսաբանների ասոցիացիա» ՀԿ-ի նախագահ Արսեն Գասպարյանը, մասնակիցներին ներկայացրեց էկոզբոսաշրջության հիմնական գաղափարը և սկզբունքները, Հայաստանում էկոզբոսաշրջության զարգացման նախադրյալները ինչպես նաև ՀՀ բնության հատուկ պահպանվող տարածքները, վերջիներիս տարածքում գտնվող կենսաբազմազանությունը, ստեղծված էկոերթուղիները և տվյալ վայրերում զբոսաշրջության կազմակերպման օրենքները: «Դոկտոր սինեմա» երիտասրադական ՀԿ-ի նախագահ Սեգ Կիրակոսյանն էլ խոսեց ֆիլմ նկարահանելու հիմնական սկզբունքներ իմասին: Քննարկվեցին «Արփի» ազգային պարկի, «Սոսու պուրակ» պետական արգելավայրի, Գնիշիկ պահպանվող լանդշաֆտի և Արագածի ալպիական արգելավայրի վերաբերյալ ճանաչողական տեսահոլովակների նկարահանումներին առնչվող հարցեր. մասնակիցները ներկայացրեցին իրենց մտքերը նկարահանման վերաբերյալ: Ծրագրի մասնակիցների նախընտրությունների հիման վրա ստեղծվել են աշխատանքային խմբեր:
Ծրագիրն իրականացվում է ՀՀ Նախագահի գործընկեր կազմակերպության՝ Հայաստանի երիտասարդական հիմնադրամի հայտարարած դրամաշնորհային մրցույթի շրջանակում։

«ԻՄ ԳՈՒՅՆԸ» մեկամսյա դասընթացի մասնակցության մրցույթ

ԴՈԿՏՈՐ ՍԻՆԵՄԱ» երիտասադական ՀԿ-ն «ԱՐՏ-ՖԵՍՏ» երիտասարդական հանրապետական բաց փառատոնի շրջանակներում մայիսի 12-ից հունիսի 10-ը կազմակերպում է վավերագրական ֆիլմի նկարահանման մեկամսյա դասընթաց: Ծրագրին մասնակցել կարող են այն երիտասարդներն, ովքեր ունեն սեփական տեսախցիկ և ուզում են ստեղծել վավերագրական ֆիլմ, սակայն չունեն համապատասխան գիտելիքներ: Ընտրված մասնակիցներն, անկախ մասնագիտությունից, հնարավորություն կունենան սովորել և փորձարկել հետևյալ թեմաները` ինչպես դիտել և վերլուծել վավերագրական ֆիլմը, ինչպես գտնել ֆիլմի թեմա, նկարահանել, մոնտաժել և ստացված արդյունքը հասցնել լսարանին: Դասընթացը բաղկացած կլինի գործնական և տեսական մասերից: Դասընթացի շրջանակներում մասնակիցներից յուրաքանչյուրը կնկարահանի առանձին վավերագրական ֆիլմ, որոնցից լավագույնները կցուցադրվեն ԱՐՏ-ՖԵՍՏ երիտասարդական հանրապետական բաց փառատոնի ավարտին: Դասընթացի շրջանակներում ստեղծված ֆիլմերից լավագույնը փառատոնի Ժյուրիի որոշմամբ կստանա հատուկ մրցանակ:

Ծրագրի նպատակն է` տարբեր մասնագիտությամբ երիտասարդի հնարավորություն տալ ծանոթանալու վավերագրական կինոյի գաղտնիքներին և սեփական ֆիլմի միջոցով խոսելու իրենց հուզող խնդիրների մասին:

Դասընթացը կանցկացվի Երևանում` Թատրոնի և կինոյի պետական ինստիտուտում: Աշխատանքային լեզուն հայերենն է:

Տարիքային սահմանափակում` 16-25տ.

Դասընթացը կվարի կինոռեժիսոր, ԵԹԿՊԻ կինոարվեստ մասնագիտության ասպիրանտ Սեգ Կիրակոսյանը:

Ընտրությունը կարող է անցնել երկու փուլով` հայտադիմումների և հարցազրույցի հիման վրա: Հայտերը պետք է լրացված լինեն հայատառ հայերենով:

Դասընթացի բոլոր փուլերը հաջող հաղթահարած մասնակիցներին կտրվեն ավարտական վկայականներ:

Մասնակցությունն ԱՆՎՃԱՐ է: Դասընթացի շրջանակներոում մասնակիցների նկարահանած նյութերը կկցվեն Դոկտոր սինեմա կազմակերպության տեսանյութերի արխիվին և հետագայում կարող են օգտագործվել կազմակերպության այլ ծրագրերի ժամանակ` պահպանելով հեղինակային իրավունքները:

Հայտերի ընդունման վերջնաժամկետ` մայիսի 8, 19:30

«Էկոզբոսաշրջությունը Հայաստանում» ծրագրի մասնակցության մրցույթ

Էկոտուրիզմը զբոսաշրջության այն տեսակն է, որը պետք է նպաստի բնական և մշակութային ժառանգության Ճանաչմանը, տեղի բնակչության համար էլ պետք է ապահովի այնքան շահույթ, որպեսզի մարդիկ ընկալեն շրջակա միջավայրը` որպես եկամտի աղբյուր և պահպանեն այն: Հայաստանը հարուստ է բնական և մշակութային ժառանգությամբ, ինչը խթան է Հայաստանում էկոտուրիզմի ենթակառուցվածքների ստեղծման համար:

Հարգելի լրագրողներ, կինոգործիչներ, տուրիզմի մասնագետներ և նշված ոլորտների ուսանողներ, նկարահանման տեխնիկա ունեցող ակտիվ արշավորդներ,
հրավիրում ենք ձեզ մասնակցելու «Էկոզբոսաշրջությունը Հայաստանում» ճանաչողական ծրագրին, որի նպատակն է «Արփի» ազգային պարկի, «Սոսու պուրակ» պետական արգելավայրի, Գնիշիկ պահպանվող լանդշաֆտի և Արագածի վերաբերյալ ստեղծել ճանաչողական տեսահոլովակներ` ուղղված դրանց ներուժի մասին տեղեկացվածության մակարդակի բարձրացմանը: Ծրագրի խնդիրներից է` տեսահոլովակներ նկարահանելու հնարավորություններ և ցանկություն ունեցող երիտասարդներին զինել այդ հմտություններով, ինչպես նաև ընտրված տարածքների մասին գիտելիքներով:

Բնապահպանության և կենսաբազմազանության վերաբերյալ դասերի ընթացքում մասնակիցները կծանոթանան էկոզբոսաշրջության հիմնական սկզբունքներին, թիրախ տարածքներում հանդիպող կենդանա- և բուսատեսակների կենսաբազմազանությանը, բնության հատուկ պահպանվող տարածքների մասին տեղեկությանը և այլն:

Սցենարական նախագծերի մշակմամբ կմեկնարկեն տեսահոլովակների նկարահանման հմտությունների դասերը, որոնց ընթացքում 36 մասնակիցները կդիտեն հայ և համաշխարհային տեսահոլովակների օրինակներ, կսովորեն` ինչպես գրել սցենարական նախագիծ, ինչպես նկարահանումներ անել բնության մեջ, ինչպես մոնտաժել նկարահանած նյութը:

Նկարահանման փուլում 36 մասնակիցներից յուրաքանչյուը հնարավորություն կստանա մասնակցելու մեկ արշավի և բնության մեջ փորձարկելու ֆիլմի նկարահանման վերաբերյալ ստացած գիտելիքները: Բացի նկարահանումներ անցկացնելուց բնության և գյուղական տարածքներում` աշխատանքային խմբերը նաև կշփվեն հարակից համայնքների բնակիչների, հատուկ պահպանվող տարածքների պարասխանատուների հետ, կգրանցեն նրանց ծառայությունները ու կոնտակտային տվյալները:

Մասնակիցները կարող են նաև ներկայացնել տվյալ տարածքներում անհատական տեսանյութեր կամ ֆիլմեր նկարահանելու առաջարկներ:

Ծրագրի խնդիրներն են.

– Իրազեկել տեղացի և օտարեկրյա զբոսաշրջիկներին էկոզբոսաշրջային ծառայությունների, բնության հատուկ պահպանվող տարածքների և կենսաբազմազանության թեժ կետերի մասին;

– տեսահոլովակ նկարահանելու հնարավորություններ և ցանկություն ունեցող երիտասարդներին զինել այդ հմտություններով;

– տեղի բնակչության շրջանում բարձրացնել էկոտուրիզմի զարգացման արդյունքում  համայնքի օգուտների և հնարավորությունների վերաբերյալ տեղեկացվածության մակադրակը;

– հավաքագրել ընտրված տարածքներում զբոսաշրջային հետաքրքրություն ներկայացնող տնային տնտեսությունների ու ոլորտին առնչվող ծառայություններ մատուցող անձանց կոնտակտային տվյալները;

– հետաքրքրված զբոսաշրջային գործակալություններին տրամադրել ծրագրի շրջանակում հավաքված տեղեկություններն ու կոնտակտային տվյալները:

«Էկոզբոսաշրջությունը Հայաստանում» ճանաչողական ծրագիրն իրականացնում է «Դոկտոր սինեմա» երիտասրադական ՀԿ-ն` Հայաստանի երիտասարդական հիմնադրամի` որպես ՀՀ Նախագահի կողմից ընտրված գործընկեր կազմակերպության կողմից իրականացվող դրամաշնորհի շրջանակում, Երիտասարդ կենսաբանների ասոցիացիա և Համաշխարհային անկախ երիտասարդական միավորում ՀԿ-ների հետ համագործակցությամբ:

Դասերը կանցկացվեն օգոստոս ամսին` խմբի մեծամասնության հարմարությանը համապատասխան օրերին և ժամերին: Հոլովակները պատրաստ կլինեն մինչև 2015թ. հոկտեմբերի վերջ:

Մասնակցությունն անվճար է:

Վերջնաժամկետ` օգոստոսի 8, 2015, 23:30

Մասնակցության համար պետք է լրացնել ստորև ներկայացված հայտը

Ֆիլմեր

 

«ԻՄ ԳՈՒՅՆԸ» դասընթաց 

Չնկարահանված ֆիլմ (2015 թ)  

Հեղինակ` Էլեն Հակոբյան

Արվեստանոց էի ուզում (2015 թ)

Հեղինակ` Արփի Բալյան 

Քաղաքը, որտեղ տեղի են ունենում բոլոր այս իրադարձությունները, ամբողջովին վերածվել է շուկայի: Որպես սպառող, ով կարիք ունի մշակութային ակտիվության և դինամիկ կյանքի, ես փորձում եմ իմ քաղաքը վերածել մի արվեստանոցի, արվեստանոց, որտեղ կարող եմ խաղալ թատրոնում, պարել և երգել, լսել ռոք համերգեր, կարդալ պոեմներ, մի խոսքով` արվեստ անելու համար ստեղծել հարմարավետ պայմաններ: Բայց քաղաքն արվեստանոց դարձնելու փորձերն ապարդյուն են, քանի դեռ ես միայնակ եմ իմ պայքարում:

Արշավորդը (2015 թ)

Հեղինակ` Սեդա Հարությունյան

Պրոլետարական արվեստ (2015 թ)

Հեղինակ` Ամալի Խաչատրյան

Հրապարակ (2015 թ)

Հեղինակ` Շուշաննա Վրացյան

Հրապարակում քայլում են սովորական մարդիկ՝ թաքուն պարողները։ Ֆիլմը մարդկանց մեջ ապրող շարժման մասին է, որը կարող էր արտահայտվել պարի տեսքով։ Երբ զարկերակը բացվում է, գույները թափվում են հրապարակ։

Ինչու՞ է աղմկում մանկությունը (2015 թ)

Հեղինակ` Մարիա-Միշել Իսրայելյան

Ձեռակերտ աղոթք (2015 թ)

Հեղինակ` Մարիամ Մկրտչյան

Բևեռներ (2015 թ)

Հեղինակ` Հովհաննես Սարգսյան

 

«Էկոզբոսաշրջությունը Հայաստանում» ճանաչողական ծրագրի

Գնիշիկ պահպանվող լանդշաֆտ (2015)

Հեղինակ` Սեգ Կիրակոսյան

 

Զառիթափ-Գոմք-Մարտիրոս էկոերթուղի (2015)

Հեղինակ` Սեգ Կիրակոսյան